Sehra-E-IshQ (Lov3-Story)

Sehra E IshQ

Zindgi Main andhyra kysy chaa jata hy ye usy ab pta chla tha, Dunia kysy kisi ki lut jati hy chnd lamhon main is ka idraak usy ab hua tha , logon ko muhabt k liye roty dekh k hunsny wala ShahziL HaSsaN aaj Apni Muhabbt k lut jany py bachun ki trah tarap k ro rha tha. Aj phli bar usy ehsas hu rha tha kh Dunia Andhyr hony ka mtlb kia hota hy ? Muhabbt kia hoti hy us ko Khony ka gham kia hota hy. Lykin ab Bht der hu chuki thi, Us ki Muhabbt ab us ki hr pukaar py Khamoshi ki chadar main chupi us ki kisi pukaar ka jawab nhi deny wali thi….

 

5 Saal phly wo phli bar us sy mila tha , jis ny us ki dhrkanon main halchal machaai thi , wo jo lrkiyun ko tissue paper sy zyada ehmiyat nhi dyta tha Hr week us k phlu main ek nai lrki dikhaai dyti thi wo ShahziL HaSsaN jo Khoobsurti main Yonaani devta ko maat deta tha lrkiyan us k pas titliyun ki trah mandlaati thi. Wo ek lrki sy haar gya…

 

Us din Mosam bht khraab tha University Puhnchty tk wo mukamal bheeg gai.. Sky blue simple dress main Bheegi hui wo bhi usi Barish ka hi koi Hissa Maloom hu rhi thi , aj university main us ka pehla din tha or pehly din hu usy Preshani uthani pri jis ki wja sy us ny us ka mizaj bht bigra hua tha. Wo tezi sy chlty huy Class main dakhil hui tu sb ki nzrain us py pri. Lrky tu lrky lrkiyun ki nzrain bhi wapas lotna bhool gain.. Aasam sy utri koi hoor lg rhi thi wo.. kpkpaaty hont or bheegy huy huliye main wo nervous hu rhi thi Khamoshi sy ghbra kr Samny pri ek khali chair py byth gai… ShahziL HaSsaN jo us ki Class k samny sy apny chnd doston k sath guzr rha tha srsri nzr class main dalny pr chonka or plat k dekha … Us ki dil ny ek heart beat Miss ki Or qadam jysy zameen ny pkr hi liye .. Nzrain htny sy inkaari hu gain.. kisi ki nzrun ka irtakaaz mehsus kr k us ki plkain uthin or samny ShahziL ko dekh k ek baar phir jhuk gain. Us ka youn nzrain churana ShahziL ko bechain kr gya .. is sy phly kh wo Class main dakhil hota Sir ko aty dekh k wo agy chl dya ..

 

ShahziL Class khtm hony ka bechaini sy intazar kr rha tha.. Idhr class khtm hui udhr wo us k samny puhnch gya wo jo library main ja rhi thi apna rasta roky khry dekh k Preshan hu gai ..

“ Excuse Me Miss “ ShahziL ny bht nrmi sy usy pukara, Wo usy samny dekh k aisy ghbra gai thi kh ankhun main aansoo chmkny lgy .. ShahziL ny us ki ankhun main aansoo tezi sy umdty dekhy tu ghbra gya..

“ Plz Plz Miss rona nhi plzz main aap ko koi nuqsan nhi puhchana chahta main bs aap ka taruf hasil krna chah rha tha “

Wo dheemy lehjy main bola , Alizay ny bht hyrat sy us ko dekha or Khamoshi sy us k pass sy guzr k Tezi sy chlti library main Ghus gai. Or table py sr rkh k rony lgi.. wo ek choty sy gaun sy yahan prhny aai thi , us k maan baap bchpn main wafaat paa gye thy wo chacha chachi k paas rehti thi chachi tu riwaaeti chachi hi thin, lykin chacha acha tha tbhi tu us ko prha rhy tha Biwi ki mukhalfat k bawajood. Lykin wo bhut phoonk Phoonk k qadam rkhny wali lrki us lrky ki himmat py khofzada hu gai. Thori der bad khud ko smbhaala or hostel wapas aa gai jahan us ny 2 lrkiyun k sath kmra share kia tha …

 

ShahziL usy rota dekh k bechain hu gya tha wo nhi chahta tha kh wo roey usy library main roty dekh k wo preshan hu gya.. daal daal ghoomny waly us shkhs ko andaaza hu gya kh ye aam lrkiyun sy bht pry hy , bilkul wesi hi jysi wo apny liye chahta tha . mgr us ka ata pta kuch bhi tu nhi janta tha . Us ny university k record sy ek clerk ko pysy de k us ka data niklwaya or ghr aa gya..

 

Gate peon ny khola or wo surkh pthron ki bni hui alishan kothi main gari ko porch main khra kr k khud tezi sy kmry main jany lga …

“ ShahziL beta yahan aao “ maan ny bht pyar sy apny handsome bety ko dekhty huy pukara ..

“ jee mom “ wo bht jldi main tha … “ beta main ek party mai ja rhi hun maid sy keh dya hy aap ko khana de de or raat ko mera wait na krna aap “ black saarhi main wo tyari khri thin… “ Okey Mom” us ny laprwahi sy kaha or Tezi sy seerhiyan chrty huy wo oper apny kmry main a gea… bht hi khoobsurti sy sajaya hua kmra jysy us ki jannat tha . tazgi or thndak ka ehsas blue or white theme main bht shidats y mehsus hota tha . us ny bister py jootun smet girty huy Mobile hath main thama or ek num milany lga .. Bell ja rhi thi … or phir 3sri bell py call receive kr li gai…

 

“ hello “ bht hi Khoobsurat awaz us ki smaaton sy tkraai tu andr tk shaant hu gya…. “ Alizay “ …. us ny holy sy us ka naam pukara .. 2sri trf khamoshi chaa gai … or phir call disconnect kr di.. ShahziL cell hath main liye soch main doob gya ..

 

Alizay unknown num sy aai is call k bary main soch k preshan hu gai… Aakhir kon hy wo? Mera naam kysy janta hy mera num us k pass kysy aya… kafi der sochny pr bhi koi siraa hath nhi aya or wo kuch der bad khud ko normal krty huy prhaai main jut gai …

Rat k 10 bjy thy or Hostel ki lights bujh chuki thin wo bhi apny bed lyti .abhi usy zyada der nhi hui thy kh cell ki message tune bji … “Hello “…. Alizay ny inbox khola wohi num tha jis sy subah call ai thi ? wo phir sy preshan hu gai.. cell takiye k neechy rkh k sony lgi kh phir sy message tune bji… “Alizay ! kia aap jaag rhi hain “

Us ka dil bht zor sy dhrka tha khauf sy us ki halat kharab hu gai… Ankhyn num hun gain… “ Alizay main bht mushkil sy aap ka num hasil kr paya hun. Plz kuch tu kahain .. kia ap mujhsy dosti kryn ge ? “ Alizay ny cell off kia or bister main dubak gai ….

 

Or phir msgs roz any lgy ahista ahista wo msgs ki aadi hoti chli gai.. ab in msgs ko dekh k ghbraati nhi thi. Lyki abhi tk us ny un msgs ka koi jawab nhi dya tha na hi wo janti thi kh wo shkhs kon hy…In msgs ko 2 maheeny guzr gye thy or ab tu jysy un msgs ko prhny ki adat hu chuki thi roz raat 10 bjy msgs any start hoty or phir un msgs ko prhty prhty us ki raat ankhun main kt jaati thi… jo bhi tha bht dheet tha or batain tu itni khoobsurat krta tha kh wo lmhun un baton k sehr main khoi rehti thi.

 

Din aisy hi guzrty rhy us ka pehla smester khtm hony ko aya exams hu rhy thy bht tough routine thi us ki.. hr haal main us ko sb sy achy marks lyny thy … Udhr ShahziL ka last smester tha wo usy btana chahta tha kh wo us k liye kia mehsus krta hy , btana chahta tha kh wo msgs wo krta hy lykin himmat nhi kr pata tha .. us k chehry ki masoomiyat usy rokti thi.. phir usy ek idea soojh hi gya us ki khamoshi torny ka.. Us Raat wo theek 10 bjy us msg kr rha tha “ Alizay main 2 mah sy tumhari khamoshi k sehr main khoya raha hun , lekin main chahta hun ab tum bhi bolo mujh sy bat kro mera haal pocho mujh sy lro jhgro rootho. Lykin shaid main ye sb kbhi dekh na paon qk tum apni chup toro gi nhi.. ab shaid tumhari chup meri Moat k bad hi tooty gi.. jb main tum sy hmysha k liye bichr jaun ga “ msg send krny k bad us ny mob ko kafi der tk dekha lykin wahn khamoshi hi thi.

 

Alizay msg prhny k bad preshan si hu gai. Smjh nhi aa rha tha us ko jawab dy ya nhi… isi preshani main 1 2 din beet gye or in 2 maheeno main phli baar us k msgs ana bnd hu gye.. usy adat hu gai thi un msgs ki .. ab wo bechain hony lgi… akhir dil k hathon mjboor hu kr ek hfty bad us ny us ko msg kr dya “ Koi Hy ? “ … phir 2 din tk intazar krti rhi lykin Jawab nhi aya .. ab tu usy yaqeen hu gya kh wo mr gya hy wo dil thaam kr neechy bythti chli gai .. ankhun sy ansoo umdy chly aa rhy thy … wo hostel k kmry main tanha bythi phoot phoot k ro rhi thi… Shaid us ka dil jaan gya tha kh wo Ab kbhi nhi loaty ga wo ja chuka hy .. wo ek khirkhi jahan sy thndi hwa aati thi us ka wajood mehekta tha wo bnd hu gai hy…

 

Roty Roty ansoo khushk hu gye thy wo deewar k sath sr tikaey saakit bythi thi . Cell phone ki ghnti kb sy bj rhi thi usy jysy hosh hi nhi tha .. wo tu jysy sb kuch lutaa k bythi thi.. Musalal Hoti bell sy wo neend sy bedaar hui jysy.. lapak k cell uthaya tu jana pehchana num screen py jagmga rha tha… forn phone kaan sy lgaya or jism ka hr hisa jysy smaat main dhal gya…

“ Tu khamoshi toot gai “ awaz sun k kysy tapty sehra sy Ghny drakht ki chaaon main aa gai jysy.. ansoo ab bhi ankhun sy beh rhy thy … “ Alizay” … khoobsurat lehja smaaton sy tkraya.. us pukaar main shidatain then, jysy wo us ki awaz sunny ko bechain hu … or Alizay ko apni cheekhun py qaboo pana mushkil hu gya.. wo buri trah ro rhi thi.. ShahziL us ki rony ki awaz sun k ghbra gya , bht baar pukara lykin wo sunny or smjhny ki hdon sy guzr gai thi…

 

Kai lamhon bad kb wo hosh main aai tu cell khamosh hu chuka tha . Inbox 1 msg ka sign show kr rha tha us ny inbox khola “ Main aaj library k samny tumhara 10 bjy wait krun ga “ us ka msg prh k wo forn uthi or university k liye tayar hony lgi…

 

ShahziL university k bahr us ka bechaini sy intazar kr rha tha keh achanak University main 2 unions k logon main jhgra hu gya.. bat is hd tk brhi kh andha dhund firing hony lgi or university k log idhr udhr bhaagny lgy .., university main ek bhgdar mch gai thi .. ShahziL is situation sy bekhabr us ka library k bahr wait kr rha tha wo samny sy aati dikhaai di ..

Wo us ki trf tezi sy brha hi tha kh Firing ki awaz tez hu gai or wo situation ko smjh k Alizay ki trf bhaga.. Union k 2 lrky Alizay k peechy hi apas main lr rhy thy un main sy ek ki goli achanak chli or Samny sy aati Alizay ki peeth py ghuss gai.. Wo tarap k neechy giri or ShahziL k paon zameen ny pkr liye … phir achanak sb kuch khony ka ehsas is qdr shidat sy jaga k wo tezi sy Alizay ki trf dora.. Jo samny hi giri hui thi or khoon us k aass paas tezi sy phyl rha tha… us k doston sy door sy hi Alizay or us ko dekh lya wo bhi preshan sy un ki trf bhaagy or tezi sy Hospital rawana huy… ShahziL ki god main Alizay ka sr tha Ukhrti saanson k drmyan ek bar us ny ShahziL ko dekha us ek nzr main Bht kuch tha , drd , muhabbat, or khony ka dr.ShahziL ny us ka sr apny seeny sy lga lya “ Alizay mujhy chor k nhi jana “… “ Alizay main tumhyn kuch nhi hony doon ga  tum bs himmat rkhna “ wo bar bar us ki himmat brhany ki koshish kr rha tha … Alizay ny us ki trf ek bar phir dekha in ankhun main ab sirf hasrat nzr aai usy … Us ki saans ukhri Akhiri Moat ki hichki li or ankhyn hmysha kh liye bnd hu gain… wo ankhyn jin main abhi hi us ny apny liye muhabbt k deep jlaye thy , wo ankhyn jin mai abhi us k naam k sapny sjny thy hmysha k liye bnd hu gain. Wo apny sath ShahziL HaSsaN ko bhi maar gai , us ki zindgi us ki khushiyun ka gla ghont gai , ShahziL HaSsaN ny moat ki ahat ko apny wajood main mehsus kia wo moat sirf Alizay ki nhi hui, ShahziL HaSsaN ki zindgi main bhi Moat ny dery daal liye.

 

 is hadsy ko 5 saal guzr gye Lykin ShahziL HaSsaN us moat sy abhi tk jeet nhi ska… Sara din business ko smbhaalny mehnat krny wala ShahziL HaSsaN jo sb k samny ek chtaan ki trah mazboot hy.. apny kmry mai aty hi Alizay ki moat ka manzar ankhun main sjaey us moat ko hr rat apny andr utrta mehsus krta hy.. Muhabbat ny usy us wqt maat di jb wo apni manzil py puhnch gya… Isi ko taqdeer khty hain.. Hm koi bhi planning kr lyn lykin Taqdeer apni chaal zrur chlti hy OR TAQDEER BHT BE REHEM HOTI HY

Written By : PariShay JahanZaiB

Leave a Reply

Your email address will not be published.